| Uddrag fra en stor artikel om færøsk litteratur
og manglen på samme: Hví hava vit næstan ongar
nútíðarskaldsøgur?(Hvorfor har vi næsten
ingen nutidsromaner?), skrevet af Kim Simonsen den 18. marts 2005:
NB: Se resumé på dansk nedenfor.
Tá danskarar spæla Mozart
Eg havi júst lisið skaldsøguna hjá Lisbeth
Nebelong: »Når engle spiller Mozart«, ið
er nútíðarskaldsøga um føroysk/donsk
viðurskifti.
Bók hennara snýr seg um eina kvinnu, Lisu, ið
hevur búð í Føroyum sum ung. Hon gekk
í 3. g. í Hoydølum umleið 1974-1975,
og sum dóttir ríkisumboðsmannin var hon ofta
fyri atfinningum frá tjóðskaparsinnaðum
lærarum. Lisa upplivdi eisini fyrsta stóra kærleikan,
ið hevði stóra ávirkan á kensluborin
ár í Havn sum »danskari« í Føroyum.
Umleið ár 2000 endar hon aftur til Føroyar í
arbeiðsørindum. Hon er nú 44 ára gomul,
løgfrøðingur og lektari í stjórnarskipanarviðurskiftum
á Lærda Háskúlanum í Keypmannahavn.
Skaldsøgan snýr seg um eina leitan eftir meining
í einari broyttari verð. Søgan er um at gerast
menniskja og at tora at liva við kærleikanum og erotikkinum.
Tá tað kemur til erotikk, er bókin hjá
Nebelong bátslongdir framman fyri vanligu føroysku
biedermeierskaldsøguna. Sjálvt William, ið vitalistiskt
hálovaði lívinum, kvinnuni og kærleikanum,
sløkti næstan altíð ljósið
í sovikamarinum. Hjá Nebelong eru heitar ástarsenur,
men tær eru ikki provokerandi sum pornosenurnar í
bókunum hjá Høgna av Heiði, men vakrar
og hava ein nátúrligan heimarætt í
kærleikssøguni.
Hetta er ein modernað, realistisk skaldsøga, sum vit
ikki skriva tær í Føroyum. Tí her snýr
tað seg um at velja, um stóra kærleikan, um tónleik
og politikk í Føroyum í dag. Bókin
er ein postkolonial skaldsøga, ið eg skal viðmæla
øllum at lesa. Best av øllum er, at høvuðspersónurin
Lisa er ein veruliga modernaður persónur, og tað
ger hana áhugaverda, tí hon er altíð
refleksivt í iva og umhugsar sítt lív, hvat
hon hevur valt og ikki valt í lívinum.
Moderniteturin og eksistentialisman er langt inni í sálini
á Lisu, bæði tá hesi eru mest spjaðandi
og mennandi. Tá hon kemur til Føroya, býr
hon t.d. á Hotel Hafnia. Bara tað, at hon letur henda
persónin búgva á einum hotelli heldur enn
at verða huld í føroyskum klikum, familjum og
netverkum, ger, at hon sær mangt og hvat, ið føroyingar
ikki síggja. Men best av øllum, so fær frásøgufólkið
í frástøðu mót til at siga frá
eini fínari og djarvari søgu um okkara nútíð.
Tað eg vildi við hesi lítlu søgu um Nebelong,
var at vísa á, at tað ber til at skriva áhugaverda
prosa í Føroyum í dag.
Og so ein provokatión móti endanum: Eg haldi, at
Lisbeth Nebelong og bókin hjá Arthur Krasilnikoff
»Hvalens Øje« (ið er um barndóm
í Føroyum undir krígnum) eru tær bestu
føroysku skaldsøgurnar seinastu árini. Tað
er sjálvandi nógv fyri, at vit skulu innflyta rithøvundar.
Hin vegin vilja vit eiga tann dansktskrivandi William Heinesen,
hví vilja vit so ikki eiga hini eisini?
Resumé på dansk: Kim Simonsen
ser Når engle spiller Mozart som en moderne og
postkolonial roman, som han opfordrer alle til at læse.
Han fremhæver de erotiske scener i romanen, som smukke og
som "bådslængder foran de sædvanlige færøske
biedermeierromaner", der "næsten altid slukker
lyset på sengekanten". Men i det hele taget er bogens
psykologiske portræt af et modernes menneske tvivl og søgen
ifølge Kim Simonsen med til at gøre bogen til en
moderne, realistisk roman, "som vi ikke skriver dem på
Færøerne", og han konkluderer, at det altså
"kan lade sig gøre at skrive interessant prosa på
Færøerne i dag".
Om Kim Simonsen: Kim Simonsen (født 1970)
er de senere års mest virksomme anmelder og kulturskribent
på Færøerne. Han er cand.phil. i nordisk litteratur
og er i færd med at afslutte magisterkonferens ved Københavns
Universitet. Redaktør af Outsidermagazinet www.outsidermagazin.com
Også i det første nummer af Outsidermagazinet fremhæver
han Når engle spiller Mozart som en moderne samtidsfortælling
om en kvindes livsvalg og en spændende roman om alt det,
færingerne ikke selv tør tale om; ikke mindst erotikken
og forholdet til Danmark.
|
